ಮನಸು ಮನಸು

ಮನಸು ಮನಸು ಕೂಡಿದಾಗ
ಸೊಗಸು ಹಾಡು ಮೂಡಿತು
ಸೊಗಸು ಹಾಡ ಕೇಳಿ ನವಿಲು
ಗರಿಯ ಕೆದರಿ ಕುಣಿಯಿತು ||ಮ||

ಬಾಳ ಪುಟವು ತೆರೆದಾಗ
ಜೀವ ಕೆಳೆಯು ಮೂಡಿತು
ಬಾಳಿಗಾನಂದ ಆದ ಕ್ಷಣವು
ಹರುಷ ತುಂಬಿ ನಲಿಯಿತು ||ಮ||

ನಿನ್ನ ನೆನಪು ಕಾಡಿದಾಗ
ಕನಸು ಕಲ್ಪನೆ ಮೂಡಿತು
ಕನಸಿನಾ ನೆನಪು ಮಧುರ
ರೂಪವಾಗಿ ನನ್ನ ಕಾಡಿತು ||ಮ||

ನಿನ್ನ ಒಲುಮೆ ನಲುಮೆ
ಭಾವ ತಾನಗಾನ ಮೂಡಿತು
ಭಾವದುಸಿರ ಹೂವ ಚೆಲ್ಲಿ
ಮನಕೆ ಸಂತಸ ತಂದಿತು ||ಮ||

ನಿನ್ನ ಕಾಣುವ ಆತುರದಲಿ
ಸೊಗಸಾದ ಹಾಡು ಮೂಡಿತು
ಆ ಹಾಡ ಕೇಳಿ ಕೋಗಿಲೆ
ವಸಂತನ ಕೂಗಿ ಕರೆಯಿತು ||ಮ||
*****